Die naam Avello beteken in Latyn om te verander, of om weg te skeur. Dit is presies Avello se leuse om anders te wees as die res van die landbou chemiese bedryf. Avello is ‘n maatskappy met sy hoof kantore in Modimolle (voorheen Nylstroom) waarvan die hoof aktiwiteit die bemarking van landbou chemikalieë behels, deur middel van ‘n konsessiestelsel.

Avello het sy ontstaan te danke aan samesprekings en onderhandelings met verskeie multinasionale maatskappye en plaaslike vervaardigers om sodoende ‘n omvattende produkreeks met toegewyde tegniese ondersteuning te verseker.
Aan die hoof van die maatskappy as besturende direkteur staan ‘n bekende Pat Loots wat sedert 1975 betrokke is in die plaagbeheer industrie en word bygestaan deur mede-direkteur Stoffel Nel.

Ons Missie

Avello fokus op die bemarking van landbou chemikalieë, verwante produkte, voorligting en probleem oplossings aan die landbougemeenskap deur ons konsessie netwerk om sodoende volhoubare welvaart te skep vir konsessiehouers, verskaffers, kliënte, aandeelhouers en werknemers.

Kern waardes

Om die uitdagings wat die landbou aan die landbou chemiese industrie bied, doeltreffend te aanvaar, het Avello die volgende kernwaardes gaan definieer:

- Verkope slegs aan kredietwaardige kliënte.
- Verskaffers se belange moet altyd bevorder word.
- Personeel moet aangemoedig word om innoverend te dink en op te tree.
- Skep ‘n klimaat waarin elke konsessiehouer optimaal kan funksioneer.
- Elke transaksie moet beoordeel word vir die voordeel wat dit sal bring vir die verskaffer, kliënt en konsessiehouer.
- Deursigtigheid en orde.
- Minimaliseer risiko in ‘n hoë risiko bedryf.

“Sales is vanity, profit is sanity, but cash flow is reality”.

Bedryfsoorsig

Die plaagbeheer industrie is die afgelope aantal jare gekenmerk deur transformasie en rasionalisering van die verskaffer- en vervaardigingskant deur verskeie samesmeltings en oornames om steeds kompeterend te bly in ‘n krimpende mark met al hoe meer toetreders met generiese produkte.
Op bemarkings- en verspreidingsvlak is die mark versadig in beide mense en produkte. Toetrede tot die mark is besonder maklik as gevolg van beperkte en onvoldoende wetgewing. Die bedryf was tot hede ook nie in staat om homself te beskerm en te reguleer nie. Produsente word ook geteister deur ‘n verskeidenheid van faktore soos globalisering, subsidies en bevoordeling van buitelandse produsente, wisselvallige weer, surplusse en swak pryse as gevolg van ‘n sterk wisselkoers.
Avello glo dat in ‘n hoogs kompeterende en versadigde mark is die uitdaging om waarde toe te voeg en onmisbaar deel te word van ons kliente se besigheid.

© 2007 - 2011. Avello (Edms) Bpk. Alle regte voorbehou.

Ontwerp deur Equadoor
Webmeester